යකාගෙ හෝරාව
යක් හඬක් නගද්දී
වීදි සරමින් ඇදෙන
කාකයන් බලද්දී
නොදැනීම මගෙ තරම
අනුව අන් සියල්ලන්
අඳුරු කුටි එකින් එක
රිංගමින් රස බැලිමි
පර බසක් ගිගුම් දෙන
ගැටෙන වීදුරු නදට
එක්ව පානා සිනහ
එක්ව පෑවෙමි මමත්
දුම් පිරුණු ගුහාවක
රත වැටුණු වතක් දැක
කොයි ලෙසද ඒ රසත්
ඉල්ලමින් පාවුනෙමි
හද හඬන හඬ නොදැන
ගිගුම් දෙන පොඩි ඉඩක
නොදන්නා තාලයට
සඳක් හා වැනුනි තව
යකාගේ හෝරාවෙ
අවසාන කනිසමට
රත් දෙනෙත් දුන් සිනා
සිත් නොදෙයි නික්මෙන්න
සියොත් සර නගද්දී
කැදලි හැර ඇදෙද්දී
මා ඇදුනි කූඩුවට
හෙටක් ගැන සිත් නැතිව
නියමයි සහෝදරයා.
ReplyDeleteනිරුවත් නිශාචරයාගේ වත.
කාලෙකට පස්සේ නෙව සහෝ! ඒත් ඒ ඇවිත් තියෙන්නේ අනගි පැඳිපෙළක් එක්ක. Halloween නැති අපේ රටට නිශාචර අත්දැකිමක් දැන්නුවා වගේ! :) ස්තුතියි සහෝ Halloween නැති මාව ලංකාවේ පරිසරයේ නිශාචරයෙක් ලෙසින් කැදවන් ගියාට. :) :)
ReplyDeleteශානු අයියේ.
ReplyDeleteවින්දෙමි
නිශාචර රැය
උපේක්ෂාවෙන්
අගෙයි !
This is really nice dude!
ReplyDelete