WaSP InterAct යනු සිසුන්ගේ වෙබ් නිපැයුම් හැකියාවන් වෘතීමය මට්ටමට ගෙන ඒම අරමුණු කරගෙන සැකසුනු, web standards සහ best pratices මත පදනම් වුණු විවෘත විෂය මාලාවකි. මෙම විෂය මාලාවේ කරුණු විවෘතව භාවිතා කිරීමට හැකිවාක් මෙන්ම ඔබටද මෙයට අන්තර්ගතයන් එක් කළ හැකි ලෙස සැකසූවක්.
මෙහි මීළඟ අරමුණ වන්නේ ඉංග්‍රීසි භාෂාවෙන් සකස් කොට ඇති මේ විෂය මාලාව දේශීයකරණය කිරීමයි. මෙය වෙබ් නිපැයුම්කරුවන්ට අත්‍යවශ්‍ය දැනුම බෙදා ගැනීමට භාෂාව බාධකයක් වීම වැළැක්වීමට ගත් උත්සාහයකි. මෙම දේශීයකරණ ව්‍යාපෘතිය සඳහා WaSP හි ILG සාමාජිකයන්ගේ මෙන්ම ස්වේච්ඡාවෙන් ඉදිරිපත්වන දේශීය භාෂා පරිවර්තකයින්ගේද උදව් ලබා ගැනීමට නියමිතයි.
InterAct පරිවර්තයේ මූලික සැළසුම වන්නේ රටවල් ආශ්‍රිතව ILG සාමාජිකයින් සහ ස්වේච්ඡා පරිවර්තකයින් ගෙන් සමන්විත කණ්ඩායම් ස්ථාපිත කිරීමයි.
අපේ රටේ සිසුන්ගේ වෙබ් නිර්මාණය පිළිබඳ දැනුම භාෂා බාධකයකින් තොරව වර්ධනය කිරීමට හැකියාව ඇති පරිසරයක් ගොඩනැගීමට ඔබටත් සම්බන්ධ විය හැකියි. InterAct සිංහල භාෂා පරිවර්තනයට ඔබත් එක්වන්නට කැමති නම් peiris [at] gmail [dot] com යන ලිපිනය හරහා චාමර වෙත දන්වන්න.
WaSP InterAct පිළිබඳ වැඩි විස්තර සඳහා මෙහි පිවිසෙන්න.
No comments:
Post a Comment