Monday, May 25, 2009

තරු කළ හදිය...

පලාතම කිරියෙන් නාවමින්
අගේට පුන් සඳ පායා උන්නු
රෑ අහසෙ...

තරු දහසක් පායා
දීප්තියෙන්
රශ්මිය නංවා
දාහයද පතුරුවා
දවාලීය මුළු පසම...
ලොවක් බලා සිටියදී
හිරු සඳුත් සමඟ...

Thursday, May 21, 2009

ඔස්ට්‍රේලියානු චිත්‍රපට උළෙල 2009 - කොළඹ දී

ඔස්ට්‍රේලියානු මහ කොමසාරිස් කාර්යාලය විසින් ස්ක්‍රීන් ඔස්ට්‍රේලියා සමග එක්ව සංවිධානය කරන 'ඔස්ට්‍රේලියානු චිත්‍රපට උළෙල 2009' කොළඹ දී පැවැත්වේ.

දිනය: මැයි මස 22 සිට 24 දින දක්වා
ස්ථානය:
බණ්ඩාරණායක සම්මන්ත්‍රණ ශාලාවේ සිනමා ශාලාවේ
ප්‍රවේශපත්:
246 3200 (දිගුව 252) ඇමතීමෙන් නොමිලේ ප්‍රවේශපත්‍ර වෙන් කරගත හැක.

වැඩි විස්තර සඳහා මෙතැනට යන්න.

මෑතදී සම්මානයට පාත්‍රවුණු චිත්‍රපට
ප්‍රදර්ශනය කෙරෙන අතර ඊට ළමා චිත්‍රපට දෙකක් ද අතුළත්ය.

චිත්‍රපට පෙළගැස්ම මෙ‍සේයි:

මැයි 22 සිකුරාදා
11 am Amy (ළමා චිත්‍රපටය)
3 pm Lantana (වැඩිහිටියන්ට වඩා සුදුසුය)
6:30 pm Strictly Ballroom

මැයි 23 සෙනසුරාදා
11am The Bank
3 pm The Magic Pudding (ළමා චිත්‍රපටය)
4:30 pm Harvey Krumpet
6:30 pm The Dish

මැයි 24 ඉරිදා
11am Crackerjack
3 pm Jindabyne
6:30 pm Ten Canoes



Monday, May 18, 2009

දෙවැනි නිදහස අදයි!

කඳුල
මරණ බිය
වෙඩි හඬ
ත්‍රස්තවාදය
සමග
ලේ පිපාසිතයාද නිමයි...

සිනහව
සතුට
සොම්නස
සමග
ජීවිත සුවඳ ගලා යෑමට ඉඩයි
දැන් ලක් දෙරණ...

ලේ මස් නරහ
තාරුණ්‍යය
අනාගතය
සමග
ජීවිතය අපට දුන් නුඹට,
රණ සොයුර
පින යි ලැබෙන්නේ
මේ ඇසෙන සතුටු සිනා හඬ යටකොට...

'දෙවැනි නිදහස' දැයට දුන්
නුඹට වුණු ණය ගෙවන්නම්

රකින්නම් නුඹේ දායාදය රටට
දිවුරුමයි මේ ඇසේනනේ
ගිගුම් දී දිගත
සිනහවද ප්‍රීතියද
ඔබ වෙනුවෙන් නැගෙන කඳුලුමය...!



Tuesday, May 12, 2009

WaSP InterAct දේශීයකරණයට ඔබත් එකතු වෙන්න...


WaSP InterAct යනු සිසුන්ගේ වෙබ් නිපැයුම් හැකියාවන් වෘතීමය මට්ටමට ගෙන ඒම අරමුණු කරගෙන සැකසුනු, web standards සහ best pratices මත පදනම් වුණු විවෘත විෂය මාලාවකි. මෙම විෂය මාලාවේ කරුණු විවෘතව භාවිතා කිරීමට හැකිවාක් මෙන්ම ඔබටද මෙයට අන්තර්ගතයන් එක් කළ හැකි ලෙස සැකසූවක්.

මෙහි මීළඟ අරමුණ වන්නේ ඉංග්‍රීසි භාෂාවෙන් සකස් කොට ඇති මේ විෂය මාලාව දේශීයකරණය කිරීමයි. මෙය වෙබ් නිපැයුම්කරුවන්ට අත්‍යවශ්‍ය දැනුම බෙදා ගැනීමට භාෂාව බාධකයක් වීම වැළැක්වීමට ගත් උත්සාහයකි. මෙම දේශීයකරණ ව්‍යාපෘතිය සඳහා WaSP හි ILG සාමාජිකයන්ගේ මෙන්ම ස්වේච්ඡාවෙන් ඉදිරිපත්වන දේශීය භාෂා පරිවර්තකයින්ගේද උදව් ලබා ගැනීමට නියමිතයි.

InterAct පරිවර්තයේ මූලික සැළසුම වන්නේ රටවල් ආශ්‍රිතව ILG සාමාජිකයින් සහ ස්වේච්ඡා පරිවර්තකයින් ගෙන් සමන්විත කණ්ඩායම් ස්ථාපිත කිරීමයි.

අපේ රටේ සිසුන්ගේ වෙබ් නිර්මාණය පිළිබඳ දැනුම භාෂා බාධකයකින් තොරව වර්ධනය කිරීමට හැකියාව ඇති පරිසරයක් ගොඩනැගීමට ඔබටත් සම්බන්ධ විය හැකියි. InterAct සිංහල භාෂා පරිවර්තනයට ඔබත් එක්වන්නට කැමති නම් peiris [at] gmail [dot] com යන ලිපිනය හරහා චාමර වෙත දන්වන්න.

WaSP InterAct පිළිබඳ වැඩි විස්තර සඳහා මෙහි පිවිසෙන්න.